Zgjedhja e presidentes së Kosovës, Ambasada e SHBA: Të përkushtuar për të çuar përpara prioritetet e përbashkëta

Ambasada e Shteteve të Bashkuara të Amerikës në Prishtinë ka reaguar lidhur me zgjedhjen e presidentes së re të Kosovës, Justina Shiroka Pula.

Ambasada amerikane ka theksuar se mbetet e përkushtuar për të bashkëpunuar me institucionet e Kosovës në avancimin e prioriteteve të përbashkëta.

“Ambasada e SHBA-së mezi pret të punojë me Justina Shiroka Pulën, presidenten e sapo zgjedhur të Republikës së Kosovës. Ambasada e SHBA-së mbetet e përkushtuar për të punuar me institucionet e Kosovës për të çuar përpara prioritetet e përbashkëta, përfshirë paqen dhe stabilitetin rajonal, si dhe prosperitetin e ndërsjellë”, thuhet në postimin e ambasadës në Facebook.