Kryedemokrati Sali Berisha, në një konferencë për mediat, komentoi studimin e fundit të Eurostat. Sipas tij, ky studim zbulon qartazi se Shqipëria është lavatriçe e parave të pista të drogës, përmes betonit.
Berisha u ndal dhe te zhvlerësimi i euros 10 vitet e fundit, duke e cilësuar si një barrë shumë të rëndë për qytetarin shqiptar.
Ai i bëri thirrje Komisionit Europian të ndale dhe të shikojë narko-shtetin shqiptar, pasi dëmton jo vetëm Shqipërinë, por edhe rajonin dhe më gjerë.
“Eurostat gjen se leku është monedha më e fortë në botë. Në raport me euron. Gjen se euro në Shqipëri është zhvlerësuar më shumë se në çdo vend tjetër 33%.
Gjen se zhvlerësimi i dytë më i madh i euros është 18%. Kjo është Izraeli. Gjen se me ekonomi 10 herë 15 më të fuqishme se e Shqipërisë.
Zhvlerësimi i tretë është Zvicra me ekonomi trilion. Ka një zhvlerësim të lehtë me 6% në Meksikë, te Sinaloa. Në Serbi me dinarin. Zhvlerësim me dollarin e Singaporit. Kemi transformimin përfundimtar, leku transformohet në narkos. Sot e tutje nuk do të quhet më lek por do quhet narkos. Kjo do jetë monedha e re e Shqipërisë. Me këtë të dhënë, studim të eurostat, Shqipëria de facto shpallet lavatriçja kryesore e parave të drogës mbi tokë. U interesova për të parë, kursin e këmbimit të pesos në Kolumbi. Nuk ka pësuar zhvlerësim euro në Kolumbi, as dollara. Sepse paraja e madhe vjen në Shqipëri. Kontejnerët me euro dhe dollarë vijnë me gjëmi në Shqipëri. Pra midis të gjitha vendeve të cituara si narko shtete, Shqipëria e Edi Ramës rezulton më narko shtet se çdo shtet tjetër. Këtë goditje shkatërrimtare për ekonominë shqiptare. Zhvlerësimi me 33% nga 2016, rënia me 2013 është edhe më e thellë.
Të gjithë faturën e saj e paguajnë në mënyrën më të dhimbshme qytetarët e thjeshtë shqiptarë. Të gjithë faturën e saj e paguajnë në mënyrën më të dhimbshme fermerët shqiptarë, sipërmarrësit e ndershëm shqiptarë. I gjithë ky përfitim shkon në kontot e baronëve të drogës dhe qytetarëve të lidhur me ta. Ky studim dëshmon edhe një herë se Shqipëria është lavatriçja nr1 në botë e parave të drogës. Kam një thirrje për 3 institucione. Banka Botërore, FMN të cilët kanë bërë një investim monetar dhe në No hoë 35 vjeçar në ekonominë e Shqipërisë. Dhe tani që shohin të përmbysur të gjithë ato për çka ato kanë subvencionuar duhet të ngrenë zërin e tyre të ndihmojnë Shqipërinë për të shpëtuar nga kjo tirani droge që po shkatërron ekonominë shqiptare. I bëj thirrje Komisionit Europian, të ndalet te narko shteti. Ka zëra që e mohojnë por i garantoj se nuk janë në të mirën dhe as interesin e BE, KE as edhe të shqiptarëve. Pavarësisht nga fjalët, narko leku është i pamëshirë ndaj ekonomisë dhe qytetarëve shqiptarë. Përbën rrezik shumë serioz. Edhe për rajonin dhe më gjerë.”- tha Berisha.
