"Nuk pranojmë asnjë bashki me numërim elektronik"/ Berisha: Ky numërim është manipuluar edhe me ndërhyrjen e ...
Shakaja që përfundoi në tragjedi/ Ky është 16-vjeçari që humbi jetën në ashensorin e lokalit n&eu...
"Sot mora vesh që veza qenka lëndë piroteknike"/ U përjashtua 60 ditë nga seancat plenare, Balliu: Të na kursenin ...
Protesta qytetare/ Protestuesit marshojnë në rrugët e Tiranës: Arrestoni Ramën 11 Teto...
• Kryetari i Partisë Demokratike, Sali Berisha, në konferencën për mediat gjatë ditës së sotme, duke iu referua studimit të EUROSTAT-it, deklaroi se zhvlerësimi i euros në raport me lekun është tregues i ndikimit të parave të drogës në ekonominë shqiptare duke theksuar se, euroja në Shqipëri është zhvlerësuar me 33 për qind, më shumë se në çdo vend tjetër të marrë në shqyrtim.• Berisha tha se zhvlerësimi i euros lidhet me paratë që futen në Shqipëri nga trafiku i drogës dhe ndërtimi është fusha kryesore e investimeve. • Ai e cilësoi Shqipërinë si një qendër të pastrimit të parave kriminale. • Për liderin e opozitës, pasojat e zhvlerësimit të euros rëndojnë mbi qytetarët, fermerët dhe sipërmarrësit e ndershëm, ndërsa përfitimet shkojnë te grupet kriminale dhe zyrtarët e lidhur me to. • Berisha u bëri thirrje Bankës Botërore, Fondit Monetar Ndërkombëtar, Komisionit Evropian dhe institucioneve ndërkombëtare që të ndërmarrin analiza dhe masa ndaj asaj që e cilësoi si përkeqësim të ekonomisë shqiptare nga ndikimi i narkotrafikut. • Kryedemokrati komentoi gjithashtu vendimin për përjashtimin nga parlamenti për dy muaj të kreut të grupit parlamentar të PD-së, Gazment Bardhi, dhe nënkryetarit të Komisionit të Sigurisë, Klevis Balliu. • Ai e cilësoi vendimin si të paligjshëm dhe antikushtetues, duke deklaruar se Edi Rama është ‘armik i egër i parlamentarizmit, i protestës dhe fjalës së lirë’. • I pyetur nga gazetarët, Berisha kundërshtoi propozimin e Komisionit Qendror të Zgjedhjeve për përdorimin e numërimit elektronik në katër bashki gjatë zgjedhjeve lokale.
3 artikuj për këtë temë.
TIRANË- Kryetari i Partisë Demokratike Sali Berisha, duke folur në konferencë për mediat nga selia blu theksoi se nuk do të pranojnë asnjë bashki me numërim elektronik. Lideri i opozitës theksoi se ky numërim është manipuluar edhe me ndërhyrjen e Narko-Shërbimit Informativ.
"Asnjë bashki nuk pranojmë ne numërim elektronik, në mënyrë të prerë. Partia Demokratike nuk pranon! Numërimi elektronik është manipuluar në mënyrë të turpshme. Në numërimin elektronik është implikuar direkt dhe shërbimi informativ kombëtar, narko-shërbimi informativ tani. Janë krijuar servera paralelë, ka patur probleme të mëdha, ne nuk pranojmë asgjë të manipulueshme më në procesin zgjedhor," tha Berisha./Dosja.al
TIRANË- Kreu i Partisë Demokratike, Sali Berisha ka kritikuar vendimin e Sekretariatit të Etikës, i cili vendosi përjashtimin me 60 ditë nga Kuvendi të deputetëve Gazment Bardhi dhe Klevis Balliu. Duke folur për mediat, Berisha e cilësoi këtë vendim si antiligjor dhe antikushtetues, ndërkohë akuzoi kryeministrin Edi Rama si armik të parlamentarizmit dhe protestës.
Kryedemokrati bëri të ditur gjithashtu se grupi parlamentar demokrat do të mblidhet për të shqyrtuar vendimin e Sekretariatit të Etikës, të cilin e konsideron të pabazuar në ligj dhe në Kushtetutë.
"Sot Edi Rama urdhëroi, pa asnjë bazë ligjore, të përjashtojë kryetarin e grupit të Partisë Demokratike dhe nënkryetarin e komisionit të sigurisë, zotërinjtë Gazment Bardhi dhe Klevis Balliu, dy muaj nga parlamenti.
Armik i egër i parlamentarizmit, i protestës dhe fjalës së lirë, Edi Rama me akte të tilla dëshmon se është një narko-diktator i urryer për shqiptarët. Dënojmë me forcën më të madhe këtë vendim antiligjor, antikushtetues, kryekëput të pabazë. Natyrisht, grupi parlamentar do mblidhet të shqyrtojë qëndrimet përkatëse ndaj këtij vendimi," tha Berisha./Dosja.al
TIRANË- Kreu i Partisë Demokratike, Sali Berisha akuzoi qeverinë për zhvlerësimin rekord të euros në raport me lekun, duke iu referuar një studimi të publikuar nga EUROSTAT. Duke folur në deklaratë për mediat, Berisha tha se leku shqiptar ka shënuar vlerësimin më të madh në botë kundrejt euros, duke bërë krahasimin me 40 monedha kryesore të planetit.
Berisha solli në vëmendje edhe rastet kur euroja ka fituar terren ndaj monedhave të tjera, duke përmendur paundin, dollarin e Hong Kongut dhe koronën norvegjeze. Duke komentuar këto shifra, kreu i Partisë Demokratike e lidhi forcimin e lekut me atë që e cilësoi si ndikim të ekonomisë së narkotrafikut në Shqipëri.
"Sot, në historinë e këtij vendi, shënohet rekordi më i zi i kohërave. EUROSTAT shpall se leku shqiptar thyen rekordin botëror në raport me zhvlerësimin prej tij të euros dhe dollarit, por EUROSTAT është marrë me euron. EUROSTAT ka studiuar raportin e euros me 40 monedhat kryesore të planetit. Çfarë gjen EUROSTAT nga studimi i 40 monedhave të planetit? Gjen se leku është monedha më e fortë në botë në raport me euron. Gjen se euro në Shqipëri është zhvlerësuar më shumë se në çdo vend tjetër 33 përqind. Gjen se zhvlerësimi i dytë më i madh i euros është 18 përqind dhe ky është Izraeli me ekonomi 10 herë, 15 herë më e fuqishme se e Shqipërisë. Zhvlerësimi i tretë është Zvicra me ekonomi trilion. Ka një zhvlerësim të lehtë me 6 përqind në Meksikë, tek Sinaloa. Në Serbi me dinarin, 6 përqind. Ka një zhvlerësim euro me dollarin e Singaporit 3 përqind. Kurse me dy monedha të tjera, përveçse dy që mbetet pa ndryshim euro ka fituar terren. Për shembull unë u them këtu, me sterlinën ka fituar 1 përqind. Me dollarin e Hong Kongut ka fituar 5 përqind. Me koronën norvegjeze ka fituar 17 përqind. Norvegjia vetëm fondin sovran të investimeve e ka 2 triliard euro. Pra, çfarë kemi këtu? Kemi transformimin përfundimtar të lekut në narkos. Dhe sot e tutje nuk do quhet më lek, por do quhet narkos. Pesë mijë narkos, kjo do jetë monedha e re e Shqipërisë," tha Berisha./Dosja.al
