Marina Fara ka reaguar publikisht në mbështetje të nënës së saj, këngëtares Eli Fara, pas bujës së krijuar nga publikimi dhe shpërndarja e pamjeve intime ku ajo shfaqet me kompozitorin Adrian Hila.
Përmes një postimi në rrjetet sociale, Marina ka ndarë një fotografi të së ëmës, të cilën e ka shoqëruar me një dedikim të shkurtër.
“Mbaje kokën lart, mbretëreshë. Mbretëresha ime e bukur”, shkruan ajo në mesazhin e saj, duke shprehur mbështetjen për këngëtaren në këtë moment të vështirë.
Edhe vetë këngëtarja ka reaguar më parë lidhur me ngjarjen. Në dëshminë e dhënë në polici, ajo ka deklaruar se nuk kishte dijeni për ekzistencën e kamerave që kishin regjistruar momentet intime. Gjithashtu, sipas deklarimeve të raportuara në media, Fara është shprehur se nuk beson që pamjet janë publikuar nga Adrian Hila.
Këngëtarja ka theksuar gjithashtu se nuk ka arsye të ndihet e turpëruar për jetën e saj private, duke e vënë theksin te publikimi i pamjeve pa dijeninë e saj.
