E thonë statistikat, Spalletti më keq se trajnerët e kaluar

Dilema taktike e Juventusit para ndeshjes së Europa League është nëse skuadra duhet të luajë me dy sulmues apo me skemën klasike 4-2-3-1 të trajnerit Luciano Spalletti.

Moduli me Kolo Muani si pikë referimi në sulm nuk po bind, pasi sulmuesi francez shënoi golin e barazimit ndaj Cagliarit dhjetë minuta para fundit, por zhvilloi një ndeshje të dobët dhe gaboi një rast të pastër duke goditur traversën.

Hyrja e Woltemade pas një ore lojë e bëri skuadrën më të rrezikshme, duke kaluar në një rreshtim 4-2-4 me Alajbegovic dhe Zhegrova nga krahët, të cilët ishin më aktivë se dyshja Nico Gonzalez dhe Conceicao.

Pavarësisht ndryshimeve, reparti i sulmit aktualisht konsiderohet jo në lartësinë e historisë së Juventusit, duke qenë shumë larg emrave që Spalletti ka stërvitur në të kaluarën si Montella, Totti, Icardi apo Osimhen. Përtej sulmit, pas gjashtë javësh kampionat, Juventus numëron vetëm 11 pikë nga 18 të mundshme.

Ky bilanc është më i dobët krahasuar me sezonet e kaluara, pasi skuadra ka një pikë më pak se në epokën e Tudor dhe Thiago Motta. Gjithashtu, skuadra bardhezi ka dy pikë më pak se në sezonin 2023-24 nën drejtimin e Allegrit, i cili kishte në dispozicion lojtarë si Vlahovic dhe Chiesa.