Fadil Zogaj dhe Ekrem Selimi nuk do të mbeten më në paraburgim, pasi Gjykata Themelore në Prishtinë ka vendosur ndërprerjen e kësaj masë ndaj të dyve, të cilët dyshohet se kanë sulmuar deputetin e Lëvizjes Vetëvendosje, Fahrush Rexhepi.
Të lidhura
None found
Sipas dyshimit, të pandehurit kanë kryer veprën penale “Sulmi ndaj personit zyrtar në bashkëkryerje”, e parashikuar me nenin 402, paragrafin 1, në lidhje me nenin 31 të Kodit Penal të Republikës së Kosovës.
Kufizimi i lirisë u ishte imponuar të dyve si pasojë e incidenteve që u regjistruan gjatë zhvillimit të protestës.
Arsyetimi i gjykatës mbështetet te ndryshimi i rrethanave juridike dhe faktike: protesta tashmë ka përfunduar, ndërsa Prokurori i Shtetit ka zhvilluar marrjen në pyetje të të dy të pandehurve.
Për këto arsye, sipas vlerësimit të institucionit gjyqësor, nuk ekziston më themeli ligjor për ta vazhduar mbajtjen e tyre nën paraburgim.
Me këtë vendim Zogajt dhe Selimit vetëm sa u ndërpritet masa e paraburgimit, pa do të thotë kjo as mbyllje e procedurës penale dhe as shpallje e pafajsisë së tyre.
