Ish-diplomati: Tirana zyrtare t’i tregojë vendin Beogradit, shkëputje nga “miqësia” me Vuçiç-in

Ish-diplomati Arben Çejku komentoi sot reagimet dhe kundëreagimet nga Shqipëria dhe Kosova, pas deklaratës së bujshme nga ministri serb Ivica Daçiç.

I ftuar në “A2 CNN”, Çejku u shpreh me tone të ashpra se Tirana zyrtare duhet të shkëputet nga historia e një marrëdhënieje shumë miqësore me ish-presidentin serb, Aleksandar Vuçiç dhe t;i tregojë vendin Beogradit.

“Jemi vend anëtar i NATO-s dhe harta e NATO-s është pikërisht aty ku kërcënon Ivica Daçiç. Qoftë edhe si anëtar i NATO-s, ne duhet t'i tregojmë vendin, jo vetëm thjesht nga kompleksi se ne kemi Kosovën aty. Po, e kemi dhe Kosovën aty, por deklaratat duhet të jenë shumë të qarta dhe unë mendoj që Tirana politike duhet të shkëputet nga historia e një marrëdhënieje shumë miqësore me Vuçiçin dhe të dali nga kompleksi inferioriteti dhe t'i tregojë vendin minimalisht tani që është ndoshta edhe fundi për t'i treguar kohën atyre”, u shpreh Çejku./CNA