Dy aktivistë janë shoëruar mbrëmjen e sotme gjatë protestës së 135-të para Kryeministrisë.
Gjatë tubimit, aktivisti Arben Kola dhe Dritan Goxhaj u shoqëruan nga policia.
Deri më tani, nuk janë bërë të ditura arsyet konkrete të shoqërimit të tyre.
Protestuesit u mblodhën në sheshin “Skënderbej” dhe më pas marshuan drejt Kryeministrisë, pas lajmit se kryeministri Edi Rama ndodhej në zyrë.
Ata përsëritën kërkesat për dorëheqjen e Edi Ramës dhe krijimin e një qeverie teknike tranzitore.
Në fund të protestës, qytetarët iu afruan godinës së Kryeministrisë, ku policia kishte vendosur një kordon për të kufizuar lëvizjen e tyre.
Qytetarët vijojnë të qëndrojnë para Kryeministrisë, në pritje të daljes së kryeministrit nga zyra e tij.
Poll
