Policia gjermane ka nisur një hetim ndaj dy të rinjve, të cilët dyshohet se përdorën një robot për të sulmuar seksualisht një vajzë 16-vjeçare në rrugët e Këlnit, duke e transmetuar ngjarjen drejtpërdrejt në mediat sociale.

Ngjarja raportohet të ketë ndodhur natën mes së shtunës dhe së dielës. Sipas deklaratës së policisë së Këlnit, roboti e ka prekur të miturën në pjesët intime dhe ka kryer gjeste të pahijshme.

Për rastin po hetohen pronari i robotit, 16 vjeç, dhe një 19-vjeçar, të dyshuar për veprën penale të cenimit të dinjitetit seksual, e cila dënohet deri në dy vjet burg.

Sipas autoriteteve, dy të rinjtë kanë filmuar skenën dhe e kanë publikuar atë në platformat e mediave sociale, duke e shoqëruar edhe me komente.

Pas mbërritjes në vendngjarje, efektivët e policisë identifikuan të dyshuarit dhe gjetën robotin të fshehur në bagazhin e një makine. Policia sekuestroi robotin, si dhe telefonat celularë të dy të rinjve.

Ndërkohë, hetimet vijojnë për të përcaktuar mënyrën se si funksiononte roboti në momentin e ngjarjes dhe nëse ai kontrollohej nga dikush.

Kështu bëhet e ditur në deklaratën e policisë së Këlnit.

‼️BREAKING: German police seized a robot that sexually assaulted a 16-year-old girl by touching her ass and making thrusting motions at her.

Officers found it stashed in the boot of a Volkswagen.

Its 16-year-old owner and a 19-year-old companion allegedly livestreamed it. https://t.co/MTUBuXcgtT

— International Cyber Digest (@IntCyberDigest) October 12, 2026