Shpërthime të fuqishme u dëgjuan mbrëmjen e së hënës në Riad, kryeqytetin e Arabisë Saudite, pak pasi autoritetet paralajmëruan banorët përmes mesazheve të dërguara në telefonat celularë për rrezikun e sulmeve ajrore. Sipas autoriteteve saudite, sistemet e mbrojtjes ajrore shkatërruan raketat e lëshuara drejt qytetit nga Huthit e Jemenit.
“Zona është nën kërcënimin e sulmeve ajrore të armikut. Qëndroni të qetë, qëndroni brenda ose në një zonë të sigurt, larg dyerve dhe dritareve”, thuhej në mesazhin e dërguar banorëve.
Dëshmitarët e cituar nga agjencia e lajmeve Reuters raportuan se në kryeqytet u dëgjuan të paktën tre shpërthime. Disa banorë thanë se kishin parë raketa në qiell, ndërsa zhurmat e forta u dëgjuan në pjesë të ndryshme të qytetit.
Pak minuta pas alarmit, autoritetet njoftuan se rreziku kishte kaluar. Sipas tyre, mbrojtja ajrore saudite kishte interceptuar raketat e lëshuara në drejtim të Riadit.
Ditët e fundit, kryeqyteti saudit është përballur me disa sulme të raportuara nga Huthit, grupi i armatosur jemenas që ka kryer sulme ndaj objektivave në rajon.
Ndërkohë, mediat raportuan se ndeshja e Al Nassr në kuadër të Ligës së Kampionëve të Azisë ishte shtyrë pas zhvillimeve të fundit të sigurisë.
Deri në raportimet e fundit, nuk kishte konfirmime të pavarura për vendndodhjen e zjarreve të mundshme, shkallën e dëmeve materiale apo numrin e viktimave. Autoritetet nuk kishin dhënë të dhëna të plota për pasojat e incidentit.
🇸🇦🇾🇪 BREAKING: LARGE FIRES are reportedly burning in RIYADH, Saudi Arabia, following a ballistic missile attack by Yemen’s ANSARALLAH movement. Residents previously reported missiles overhead and at least three explosions across the capital. The locations of the fires, extent of the damage, and possible casualties remain unconfirmed. Some sources claim this fire is from the attack 2 days ago against Riyadh We have not yet been able to verify the veracity of this video Source: NAYA, Alibk3 on TG / Writer: Oliver
— Mario Nawfal (@MarioNawfal) October 12, 2026