Në orët e para të mëngjesit të sotëm agjentë të Byrosë Kombëtare të Hetimit kanë zhvilluar kontrolle në burgun e Bradasheshit në Elbasan. Mësohet se falë kontrolleve janë zbuluar disa celularë të cilët ende nuk dihet se kujt i përkasin dhe janë dërguar në laboratorin e SPAK për t'u zbërthyer.
Mes personave të arrestuar që mbahen në këtë burg, ndodhet edhe biznesmeni Ergys Agasi i cili u arrestua më 26 gusht të këtij viti pas disa muajsh në arrati.
Kujtojmë se pas kontrolleve të zhvilluara në këtë burg javë më parë pas arrestimit të Agasit, u gjetën disa shishe me alkool. Çështja e Agasit tronditi themelet e shtetit pasi u zbulua se edhe drejtoresha e SHISH, Vlora Hyseni ishte e përfshirë në ndihmën për ta mbajtur biznesmenin në arrati. Versus.al
