QKK prezanton drejtimet e projektligjit të ri, deri 35% rimbursim për produksionet

Qendra Kombëtare e Kinematografisë prezantoi dje, në një konferencë për shtyp, drejtimet kryesore të projektligjit të ri “Për Kinematografinë dhe Audiovizualin”.

Nisma synon modernizimin e kuadrit ligjor të vitit 1996 dhe zgjerimin e mbështetjes për industrinë audiovizuale shqiptare, përtej filmit tradicional, duke përfshirë serialet, videolojërat dhe veprat imersive. Një tjetër objektiv është nxitja e vendimmarrjes së përbashkët me komunitetin e kineastëve.

Kryetari i QKK-së, Jonid Jorgji, u shpreh se, në konsultim me komunitetin, do të vlerësohen fushat ku nevojitet më shumë investim. Ai bëri të ditur se ligji aktual parashikon që 70% e buxhetit të shkojë për kinematografinë, kryesisht për filmin e autorit, ndërsa 30% të alokohet për sektorin audiovizual, ku përfshihen serialet, videolojërat dhe produktet imersive.

Ndër risitë e propozuara në projektligj janë edhe incentivat financiare përmes një skeme rimbursimi deri në 35% të shpenzimeve të kualifikuara të kryera në Shqipëri nga produksionet shqiptare dhe të huaja. Ky mekanizëm synon të nxisë bashkëprodhimet, tërheqjen e produksioneve ndërkombëtare dhe gjenerimin e përfitimeve ekonomike, përmes rritjes së punësimit dhe ndikimit në sektorin e turizmit.

Në konferencë ishte e pranishme edhe zëvendësministrja e Turizmit, Kulturës dhe Sportit, Lira Pipa, e cila theksoi rëndësinë e bashkërendimit me Komisionin Evropian për hartimin e kuadrit të ri ligjor dhe zbatimin e mekanizmave financiarë.

“Është një proces mjaft kompleks i kuadrit ligjor, sepse përfshin edhe mekanizma që lidhen me antikorrupsionin dhe pastrimin e parave. Por këto incentiva janë të domosdoshme dhe janë parashikuar edhe në Strategjinë Kombëtare të Kulturës, të cilën e kemi miratuar në korrik”, u shpreh zëvendësministrja Pipa.

Projektligji parashikon gjithashtu krijimin e një programi kombëtar katërvjeçar, zgjerimin e kategorive të financimit dhe mbështetjen e edukimit profesional përmes bursave dhe shkëmbimit të përvojave.

Synimi është zhvillimi i një industrie audiovizuale me ndikim kulturor dhe ekonomik, si dhe forcimi i rolit të filmit shqiptar në promovimin e kulturës dhe turizmit të vendit në arenën ndërkombëtare. A.K./TemA

"Kryqi i fjalës" - Himn për Nënën: Arben Çejku sjell një “tablo” plot ngjyra në një roman të rrallë

21:13 Kulturë

Ka shkuar ndonjë nga ne maleve, qoftë dhe për t`u fshehur?

18:24 Kulturë

Ministri i Kulturës Blendi Gonxhja u vlerësua me çmim në Itali

17:29 Kulturë 1 koment

Ferit Hoxha: Shqipëria po avancon me Muzeun e Besës në Tiranë dhe Muzeun Hebraik në qytetin e Vlorës

16:31 Kulturë 2 komente

Aktivitete për 115-vjetorin e Migjenit në Shkodër

15:35 Kulturë

Helidon Xhixha çel ekspozitë në Kinë

15:15 Kulturë

Bolero e Ravel ngjitet në skenën e TKOB

13:14 Kulturë

“Kuq e Zi” është libri më i ri i shkrimtares së njohur për fëmijë Rovena Rrozhani

11:12 Kulturë

Gonxhja: “Muji dhe Halili” do të ekranizohet (VIDEO)

09:10 Kulturë 1 koment

Historiani Auron Tare publikon pamjet e shtëpisë së rrënuar të Mitrush Kutelit

09:08 Kulturë 2 komente