Presidenti amerikan Donald Trump njoftoi një "armëpushim energjetik" midis Rusisë dhe Ukrainës mbrëmjen e së dielës.

Lideri ukrainas Volodymyr Zelensky akuzoi Moskën për shkelje të armëpushimit dhe tha se ata kanë goditur qendrat energjetike të vendit të tij brenda pak orësh nga njoftimi i presidentit amerikan.

Kur u pyet për sulmet nga Rusia, Trump u tha gazetarëve jashtë Shtëpisë së Bardhë mbrëmë: "Epo, do të duhej ta shikoja dhe të kuptoja, sepse ka pasur shkelje nga të dyja palët".

Zelensky ka thënë se e mbështet armëpushimin energjetik, por Vladimir Putin jo, ndërsa Trump tha se "të dy e mbështesin atë".

"Mendoj se ata duan të bëjnë një marrëveshje, por nuk e dinë se si, por ne do t'i bëjmë që ta bëjnë marrëveshjen", tha presidenti i SHBA-së.

Ai gjithashtu pretendoi se Putini "dëshiron të bëjë një marrëveshje më shumë sesa Zelensky".