Një mjek është dhunuar në fshatin Konaj, në Njësinë Administrative Fan, në Mirditë.
Sipas informacioneve paraprake, ende nuk dihen shkaqet që çuan në konflikt dhe as rrethanat e plota në të cilat ka ndodhur ngjarja.
Ngjarja ka ndodhur sapo mjeku ka dalë nga shtëpia dhe nuk ka qenë në detyrë në momentin kur e kanë dhunuar.
Blutë bëjnë me dije se ngjarja nuk ka lidhje me profesionin e tij si mjek dhe se konflikti ka ndodhur për motive të dobëta.
Ndërkohë, forcat e Policisë janë nisur drejt vendngjarjes për të verifikuar situatën dhe për të zbardhur dinamikën e incidentit.
Njoftimi i Policisë:
Rreth orës 08:30, shërbimet e Komisariatit të Policisë Mirditë, pas administrimit të informacionit të siguruar në rrugë operative për dhunimin e një shtetasi në fshatin Konaj, Mirditë, kanë nisur menjëherë hetimet, me qëllim zbardhjen e rrethanave të rastit.
Nga veprimet e para hetimore dyshohet se shtetasi M. P., 50 vjeç, banues në Mirditë, me profesion mjek, është dhunuar fizikisht gjatë një konflikti për motive të dobëta.
Po nga veprimet e para hetimore dyshohet se ngjarja nuk ka lidhje me profesionin e tij si mjek.
Vijojnë veprimet hetimore dhe procedurale për zbardhjen e plotë të rrethanave të ngjarjes dhe identifikimin e kapjen e autorit/ëve.
Top Channel
