Kritikat për Von der Leyen në PE/ Këlliçi: Kur mbështetja e një autokrati të kthehet në akuzë

Nënkryetari i Partisë Demokratike, Belind Këlliçi, ka ndarë në rrjetet e tij sociale, momente nga fjalimi i eurodeputetes Terry Reintke.

Kjo e fundit gjatë fjalës së saj në Parlamentin Europian ka folur për vizitën e presidentes së KE-së, Ursula von der Leyen, e cila, sipas eurodeputetes, nuk tha asgjë për protestat që po zhvillohen prej më shumë se 130 ditësh në Tiranë.

Këlliçi, ndërkohë shkruan se Von der Leyen-it “iu kthye në akuzë mbështetja e një autokrati të korruptuar”.

Postimi i plotë:

Kur mbështetja e një autokrati të korruptuar, të përplaset në sy e të kthehet në akuzë. Edi Rama nuk e mban dot të fshehtë maskaradën dhe hajdutërinë e qeverisjes së tij me zullume e skandale! /CNA