Një operacion për goditjen e një grupi kriminal të përfshirë në kontrabandën e emigrantëve të paligjshëm është zhvilluar nga Policia e Shtetit në bashkëpunim me SPAK. Në kuadër të këtij operacioni, janë lëshuar disa masa sigurimi për dhënie ndihme për kalim të paligjshëm të kufirit dhe grup kriminal. Në prangat e Policisë kanë rënë shtetasit Jorgji Kuvarati, Erius Hajdari, Arzen Bregasi dhe Lamela Berlat, ndërkohë nga ana tjetër nje person vijon ende të jetë në kërkim. Në vijim të këtij aksioni, janë ushtruar po ashtu kontrolle në në disa ambiente, që kanë qenë nën zotërim nga personat e arrestuar nga ana e Policisë së Shtetit dhe agjentëve të Byrosë Kombëtare të Hetimit. Arrestimet janë kryer nga Policia e Shtetit në zbatim të urdhrave të lëshuar nga SPAK, ndërsa të dyshuarit pritet të përballen me procedurat e mëtejshme ligjore.