Do merrte hak për vëllanë e vrarë/ Kapet me automatik skorpion në makinën e blinduar, Emanuel Lika

Policia ka arrestuar vëllain e Ilir Likës, 40 vjeçarit i cili mbeti i vrarë në një atentat të kryer më 9 korrik 2026, në Kurbin.

Mësohet se Emanuel Lika kishte planifikuar të kryente vrasje për tu hakmarrë ndaj vëllasë së tij.

Policia e Lezhës informon se Emanuel Lika, i njohur dhe si Emanuel Gehard, alias Basha, alias Lika u kap në një automjeti tip “Mercedes-Benz ML”, i blinduar dhe me targa gjermane në Fushë Milot.

Gjatë kontrollit fizik, 37-vjeçarit iu gjet 1 armë zjarri automatike tip "Skorpion" me një krehër me 16 fishekë.

Si rezultat i monitorimit permanent të situatës në qark, nëpërmjet punës intensive operative dhe kontrolleve, si dhe si rezultat i analizimit dhe ndjekjes në dinamikë të ngjarjeve kriminale të ndodhura më parë, me qëllim parandalimin e ngjarjeve të lidhura me to dhe parandalimin e krimeve në përgjithësi, specialisët e Sektorit për Hetimin e Krimeve të Rënda, në bashkëpunim me specialistët e Seksionit Operacional të Hetimit dhe me shërbimet e Komisariatit të Policisë Kurbin, finalizuan operacionin e koduar “Argos”.

Në kuadër të operacionit u parandalua një vrasje, dyshohet për hakmarrje në lidhje me vrasjen e shtetasit I. Gj. alias I. L. alias I. K. alias I. N., 40 vjeç, kryer më datë 09.07.2026, në Kurbin.

Po në kuadër të operacionit u arrestua  shtetasi E.(G.) B.(L.), 37 vjeç, banues në Kurbin, me precedent për përfshirje në ngjarje kriminale të mëparshme (vëllai i 40-vjeçarit)

Automjeti tip “Mercedes-Benz ML”, i blinduar dhe me targa gjermane, që drejtonte 37-vjeçari, u ndalua në Fushë Milot. Gjatë kontrollit fizik, 37-vjeçarit iu gjet 1 armë zjarri automatike tip "Skorpion" me një krehër me 16 fishekë.

Atentati në korrik 

Ilir Lika alias Gjini u ekzekutua në lagjen “Erdogan” në Laç sapo  kishte parkuar automjetin e tij dhe po i drejtohej hyrjes së pallatit ku banonte.  Autori i dyshuar i vrasjes dyshohet se është Artur alias Emiljano Suti, i cili banonte në të njëjtën lagje ku banonte dhe viktima, por tani në arrati. 

40-vjeçari Suti ishte dënuar më parë me 5 vjet burgim për veprën penale “Kanosja për shkak të detyrës”, si dhe ka precedent penal për armëmbajtje pa leje. Gjithashtu, rezulton i arrestuar në Belgjikë për vjedhje.

Emiljano Suti, i dyshuar si autori dhe vendi ku u vra Ilir Lika.