Studentët protestojnë sot te Ministria e Arsimit, duke filluar nga ora 14:00.
Para fillimit të protestës, pranë ministrisë u pa prani e shtuar e forcave të policisë.
Një pjesë e forcave blu ishin vendosur para godinës, ndërkohë që në rrugicën në krah të ministrisë ishte dhe një makinë ujëhedhëse.
Thirrja për tubimin është bërë publike përmes një pankarte. Organizatorët kanë shprehur gjithashtu pakënaqësinë për çështjet që, sipas tyre, vijojnë të mbeten të pazgjidhura dhe për mungesën e reagimit nga institucionet.
Ndër shqetësimet kryesore që pritet të ngrihen gjatë protestës janë kushtet në universitetet shqiptare, kostot e studimeve dhe mbështetja për studentët.
“Protestojmë për çdo gjë që nuk funksionon dhe për çdo gjë që duam të jetë ndryshe”, thuhet në mesazhin e publikuar nga organizatorët.
