Tritol mjetit të avokatit Idajet Beqiri/ ‘Benz-i’ ishte në pronësi të bashkëshortes së tij dhe i parkuar pranë Gjykatës Civile (PAMJET)
Detaje nga shpërthimi i makinës së Idajet Beqirit/ Mjeti në emër të bashkëshortes, ngjarja ndodhi pranë ...
Detaje nga shpërthimi i makinës së Idajet Beqirit/ Mjeti në emër të bashkëshortes, ngjarja ndodhi pranë ...
SPAK goditi grupin kriminal për trafikimin e klandestinëve, zbardhen EMRAT e katër të arrestuarve 13 Tetor, 09:19 ...
Zelensky thotë se sulmet ndaj Yandexit paralizuan botët pro-Kremlinit, por ekspertët dyshojnë 12 Tetor, 20:52 ...
135 ditë protestë/ Qytetarët marshojnë drejt Kryeministrisë, thirrje: Dorëheqje! 12 Tetor, 19:09 ...
• Studentët kanë thirrur ditën e sotme një protestë para Ministrisë së Arsimit, e cila nisi në orën 14:00. • Në kuadër të kësaj policia 'blindoi' zonën dhe shtoi masa të rrepta sigurie. • Organizatorët u kanë bërë thirrje studentëve nga të gjitha qytetet e vendit dhe qytetarëve të tjerë që t’i bashkohen tubimit për të ngritur zërin kundër problematikave që prekin të rinjtë. • Me pankarta dhe thirrje kundër qeverisë, të rinjtë kanë mbushur rrugën e Durrësit, duke kërkuar përmirësimin e kushteve dhe zgjidhjen e problematikave që, sipas tyre, vijojnë të mbeten të pazgjidhura. • Përmes mesazheve të tyre, studentët dhe të rinjtë shprehin pakënaqësinë ndaj situatës në arsim dhe mungesës së reagimit institucional. Situata është tensionuar, pasi studentët filluan të godasin me vezë, tullumbace me ujë dhe bojë godinën. • Ata bëjnë thirrje për revolucion dhe dorëheqje të qeverisë Rama. • “Dorëheqje!”, “Poshtë qeveria!” dhe “Forca, rinia!” ishin disa nga thirrjet e protestuesve. Protesta është shoqëruar me tensione dhe thirrje të fuqishme nga studentët dhe protestuesit pjesëmarrës. • Policia ka hedhur gaz lotsjellës në drejtim të protestuesve te Ministria e Arsimit, ndërsa disa protestues kanë kaluar rrethimin duke u futur brenda perimetrit të institucionit. • Nuk kanë munguar as përplasjet mes efektivëve të policisë dhe studentëve, ku këta të fundit janë lënduar. • Pas kësaj, policia ka nisur shoqërimet masive, ku mes tyre janë edhe disa aktivistë.
22 artikuj për këtë temë.
TIRANA- Pamje të rënda janë regjistruar gjatë protestës para Ministrisë së Arsimit, ku disa studentë shfaqen të gjakosur brenda një furgoni të policisë. Pamjet vijnë pas përplasjeve fizike mes protestuesve dhe efektivëve të policisë, gjatë tubimit të zhvilluar ditën e sotme.
Protesta është shoqëruar me tensione, përdorim të gazit lotsjellës dhe ndërhyrje të forcave të rendit për shpërndarjen e turmës. Ndërkohë, policia ka shoqëruar disa protestues. Situata është përshkallëzuar gjatë përplasjeve në zonën pranë ministrisë./Dosja.al
TIRANË- Deputetja Marjana Koçeku ka bërë një regaim në lidhje me protestën e studentëve, të zhvilluar ditën e sotme para godinës së Ministrisë së Arsimit, ku policia shoqëroi disa persona si dhe u përdorë dhunë fizike ndaj protestuesve. Në regimin e Koçekut, thuhet 'Mos i prekni studnetët', bashkangjitur me një pamje nga ndërhyrja e policisë me autobotin e ujit për të shpërndarë turmën e protestuesve nga hyrja e godinës.
Protesta nisi rreth orës 14:00, kur studentë dhe qytetarë të shumtë u mblodhën se bashku duke bërë thirrje për dorëheqjen e kryeministrit Edi Rama dhe dëgjimin e kërkesave të tyre. Ai përshkallëzoi më tej, në goditjen e Ministrisë së Arsimit me vezë, gurë dhe sende të tjera, duke shkaktuararrestime të aktivistëve e studentëve./Dosja.al
TIRANA- Protesta e studentëvë para Ministrisë së Arsimit në rrugën e Durrësit, vijon të shoqërohet me tensione dhe përshakllëzime. Turma e studentëve u grumbullua sërish në rrugën e Durrësit, por përlasjet me policinë po vijojnë.
Një person protestues u dhunua dhe u tërhoq zvarrë nga Forcat e Ndërhyrjes së Shpejtë. Teksa ishte përtokë ai u godit nga efektivët dhe u mor zvarrë./Dosja.al
TIRANË- Protesta e zhvilluar ditën e sotme në ambientet para godinës së Ministrisë së Arsimit, ka marrë përmasa të mëdha. Një grup protestuesish që ndodhej i grumbulluar në Bulevardin “Dëshmorët e Kombit” është nisur në marshim të organizuar drejt godinës së Ministrisë së Arsimit.
Pjesëmarrja në tubim pritet të rritet, ndërsa deri më tani ka pasur përplasje të vazhdueshme me forcat policore, përdorimi i gazit lotsjellës si dhe ka pasur shoqërime të studentëve dhe aktivistëve. Përforcimi i turmës po shoqërohet me thirrje të fuqishme njëzëri kundër qeverisë, ndërsa forcat e policisë po marrin masa shtesë për të përforcuar kordonët e sigurisë rreth institucionit për të parandaluar përplasje të reja./Dosja.al
TIRANË- Protesta e studentëve para Ministrisë së Arsimit është shoqëruar me tensione të ashpra. Pas përplasjeve të vazhdueshme me forcat policore, ka pasur arrestime të aktivistëve dhe protestuesve.
Nga pamjet shihen efektivët duke u përleshur me një student, ndërsa një qytetar shihet duke u tërhequr zvarrë në rrugë dhe goditet me shkop gome. Sakaq, gjatë protestës është përdorur edhe autoboti i ujit për të shpërndarë turmën e protestuesve, ndërsa kërkesat e qytetarëve mbeten po të njejtat./Dosja.al
TIRANA- Policia ka përdorur presionin e ujit për të shpërndarë protestuesit e mbledhur para Ministrisë së Arsimit. Ndërhyrja e forcave të rendit vjen pas tensioneve dhe përplasjeve të regjistruara gjatë protestës së studentëve.
Pas marshimit një pjesë e protestuesve është rikthyer drejt vendit ku nisi tubimi, ndërsa në Rrugën e Durrësit ka nisur sërish grumbullimi i tyre. Situata mbetet e tensionuar, ndërsa studentët vijojnë protestën kundër problematikave në arsim dhe me thirrje drejtuar qeverisë./Dosja.al
TIRANA- Përplasjet fizike mes protestuesve dhe efektivëve të policisë kanë shoqëruar protestën e zhvilluar këtë të martë para Ministrisë së Arsimit. Situata është tensionuar pas hedhjes së sendeve në drejtim të godinës dhe ndërhyrjes së policisë me gaz lotsjellës, ndërsa disa prej protestuesve kanë mbetur të lënduar.
Mes personave të lënduar është edhe një gazetare, e cila ndodhej në terren për të raportuar mbi zhvillimet e protestës. Ndërkohë, policia ka nisur shoqërimet e protestuesve mes tyre edhe disa aktivistë. Tensionet vijojnë të shoqërojnë tubimin e të rinjve kundër problematikave në arsim dhe qeverisë./Dosja.al
TIRANË- Protesta para godinës së Ministrisë së Arsimit është shoqëruar me tensione të vazhdueshme. Mësohet se, gjatë tubimit ka pasur sërish përplasje mes efektivëve të policisë dhe protestuesve.
Pas përdorimit të autobotit të ujit për të shpërndarë turmën e protestuesve, forcat e rendit kanë nisur shoqërimet e para. Disa protestues janë arrestuar nga forcat policore. Tubimi ka nisur në mënyrë paqësore, por më pas është përshkallëzuar në dhunë dhe arrestime./Dosja.al
TIRANA- Një protestues është lënduar gjatë protestës së studentëve para Ministrisë së Arsimit dhe është shtrirë në tokë. Nga ana tjetër, policia ka nisur shoqërimet, pasi situata është përshkallëzuar.
Gjatë kësaj proteste nuk kanë munguar as përplasjet mes efektivëve të policisë dhe protestuesve. Situata vijon të jetë e tensionuar./Dosja.al
TIRANA- Studentët kanë protestuar këtë të martë para Ministrisë së Arsimit, ku nuk kanë munguar tensionet dhe aktet e dhunës. Protestuesit kanë nisur të hedhin vezë dhe të shkruajnë me sprej në muret e godinës.
Më pas, ata kanë shkulur kangjellat metalike dhe tullat nga trotuari, duke i hedhur në drejtim të ministrisë dhe duke thyer xhamat e dritareve. Situata është përshkallëzuar më tej, kur protestuesit janë futur brenda rrethimit të godinës, ndërsa nga turma janë dëgjuar thirrjet: “Digje, digje!”./Dosja.al
TIRANË- Protesta e paralajmëruar ditën e sotme përballë godinës së Ministrisë së Arsimit, është shoqëruar me tensione të shumta. Disa protestues kanë çarë kordonin e sigurisë, duke hyrë brenda rrethimit të institucionit, ndërsa forcat policore kanë aktivizuar autobotin e ujit për të shpërndarë turmën.
Tubimi i sotëm ishte paralajmëruar ditë më parë nga qytetarët të cilët kërkojnë rrëzimin e klasës politike. Sakaq, me hedhjen e ujit po tentohet largimi i turmës së protestuesve nga hyrja kryesore e godinës./Dosja.al
TIRANA- Situata para Ministrisë së Arsimit vijon të përshkallëzohet, pasi ka nisur ndërhyrja e policisë. Të revoltuar, protestuesit kanë nisur të gjuajnë me vezë dhe të ngjyrosin me sprej muret e godinës.
Pas kësaj, ata kanë shkulur kangjellat e hekurta që ndodheshin në trotuar dhe tullat, duke i hedhur në drejtim të godinës dhe duke thyer xhamat e dritareve. Studentët kanë hyrë brenda rrethimit të godinës, teksa kanë bërë thirrje “Digje, digje”./Dosja.al
TIRANË- Situata pranë Ministrisë së Arsimit është përshkallëzuar, pasi protestuesit kanë hedhur sende të forta drejt godinës. Ata kanë shqyer derën e hekurit dhe janë futur brenda rrethimit të godinës.
Më pas, protestuesit, kanë nisur të gjuajnë me vezë dhe të ngjyrosin me sprej muret e godinës. Ndërkohë kanë hedhur edhe flakadanë, ndërsa policia ka vijuar thirrjet ndaj tyre./Dosja.al
TIRANË- Policia ka hedhur gaz lotsjellës në drejtim të protestuesve te Ministria e Arsimit, ndërsa disa protestues kanë kaluar rrethimin duke u futur brenda perimetrit të institucionit.
Protesta është shoqëruar me tensione dhe thirrje të fuqishme nga studentët dhe protestuesit pjesëmarrës. Sakaq, policia ka bërë thirrje për largimin e protestuesve dhe lirimin e rrugës, por turma nuk ka lëvizur./Dosja.al
TIRANË- Situata vijon të jetë e tensionuar në protestën para Ministrisë së Arsimit. Siç shihet edhe në pamje, studentët kanë shkulur nga vendi kangjellat e rrethimit të rrugës dhe pllakat e trotuarit, ndërsa me to kanë qëlluar xhamat e Ministrisë.
Në këtë sulm janë angazhuar disa të rinj, ndërkohë pjesa tjetër po brohorasin në kor: Dorëheqje, qeveri e krimit, ktu vendosim ne./Dosja.al
TIRANË- Studentët janë rikrthyer më fuqishë se kurrë në protestat e tyre përpara Ministrisë së Arsimit, duke kërkuar kushte më të mira dhe punësim. Një prej tyre tha se studentët përballen me kushte tejet të këqija në konvikte, ku pavarësisht sakrificës së prindërve për pagesa të majme, kushtet nuk janë aspak dinjitoze.
Sipas studentëve, ata përballen edhe me pasiguri në tregun e punës pas përfunditmit të studimve, duke shtuar se me sistemin e dizenjuar nga institucionet, i kthejnë në argatë.
"Protestojmë për kushtet e këqija në konvinte, prindërit tanë në emigracion kanë sakrifikuar tërë jetën për të sjellë para për të na mbajtur dhe me taksa të rregullta, kur vijmë ne përballemi me kushte të këqija e institucione që nuk ofrojnë asgjë. Studenti detyrohet to blejë librat, pasigurinë e punës pas shkolle. Institucionet merren me nepotizëm e ryshfete, punonjësi kthehet në argat dhe studenti kërkon të zhvillohet në aftësi. Sistemi i dizenjuar nga institucionet vetëm për t’u kthyer në argat," tha studenti./Dosja.al
TIRANË- Situata është tensionuar në protestën para Ministrisë së Arsimit. Siç shihet edhe në pamje, pas grumbullimit, studentët filluan të godasin me vezë, tullumbace me ujë dhe bojë godinën.
Ata bëjnë thirrje për revolucion dhe dorëheqje të qeverisë Rama si dhe Ministria e Krimit. “Dorëheqje!”, “Poshtë qeveria!” dhe “Forca, rinia!” ishin disa nga thirrjet e protestuesve, të cilët janë mbledhur për të kundërshtuar problematikat që, sipas tyre, vijojnë të mbeten të pazgjidhura./Dosja.al
TIRANË- Një student para Ministrisë së Arsimit ka theksuar se të rinjtë mund të kenë shumë kërkesa, por nuk duan t’i zgjidhin me Edi Ramën kryeministër, pasi nuk është i denjë për këtë post. Duke folur për mediat, ai bëri thirrje që kryeministri Edi Rama të largohet nga pushteti.
"Kemi shumë kërkesa por nuk duam ti zgjidhim këto me Edi Ramën. Largohu se nuk ke qenë kurrë kryeministër i denjë. Ne kemi plan për të qëndruar këtu çdo gjë teknike do jetë e momentit., protestë do ketë nesër e pasnesër. Jemi këtu për të ardhmen tonë. Është përdorur teknikë rrjete sociale, universitete. Diçka shumë organike dhe ndonjë strukturë që e organizon. Kjo është e ardhmja jonë," tha protestuesi./Dosja.al
TIRANË- Me thirrjet “Duam kushte, duam dije, jo pallavra qeverie” dhe “Kur zgjohet rinia, bie qeveria”, studentët po protestojnë para Ministrisë së Arsimit në Tiranë. Me pankarta dhe thirrje kundër qeverisë, të rinjtë kanë mbushur rrugën e Durrësit, duke kërkuar përmirësimin e kushteve dhe zgjidhjen e problematikave që, sipas tyre, vijojnë të mbeten të pazgjidhura.
Protesta është thirrur në nivel kombëtar, me organizatorët që u kanë bërë apel studentëve nga të gjitha qytetet e Shqipërisë dhe qytetarëve të tjerë t’i bashkohen tubimit. Përmes mesazheve të tyre, studentët dhe të rinjtë shprehin pakënaqësinë ndaj situatës në arsim dhe mungesës së reagimit institucional./Dosja.al
TIRANË- Protesta e thirrur nga studentët para Ministrisë së Arsimit ka nisur. Siç shihet edhe në pamje, të rinjtë mbajnë në duar pankarata me thirrjet "Revoltë". Organizatorët u kanë bërë thirrje të gjithë studentëve nga të gjitha qytetet e vendit dhe qytetarëve të tjerë që t’i bashkohen tubimit për të ngritur zërin kundër problematikave që prekin të rinjtë.
Thirrja për protestë është bërë publike përmes një pankarte, ku organizatorët shprehin pakënaqësinë për çështjet që, sipas tyre, vijojnë të mbeten të pazgjidhura dhe për mungesën e reagimit nga institucionet.
“Protestojmë për çdo gjë që nuk funksionon dhe për çdo gjë që duam të jetë ndryshe”, thuhet në mesazhin e publikuar nga organizatorët./Dosja.al
TIRANË- Policia ka "blinduar" zonën te Ministria e Arsimit, pak para nisjes së protestës së studentëve. Protesta është thirrur të nisë në orën 14:00, teksa forca të shumta të policisë ndodhen në terren, duke rrethuar institucionin e arsimit.
Përveç forcave të shtuara të policisë, në pamje shihet në gatishmëri edhe autoboti me ujë. Organizatorët u kanë bërë thirrje studentëve nga të gjitha qytetet e vendit dhe qytetarëve të tjerë që t’i bashkohen tubimit për të ngritur zërin kundër problematikave që prekin të rinjtë./Dosja.al
TIRANË- Studentët dhe të rinjtë kanë bërë thirrje për një protestë kombëtare këtë të martë në orën 14:00, përpara Ministrisë së Arsimit në Tiranë. Organizatorët u bëjnë thirrje studentëve nga të gjitha qytetet e vendit dhe qytetarëve të tjerë që t’i bashkohen tubimit për të ngritur zërin kundër problematikave që prekin të rinjtë.
Thirrja për tubimin është bërë publike përmes një pankarte. Organizatorët kanë shprehur gjithashtu pakënaqësinë për çështjet që, sipas tyre, vijojnë të mbeten të pazgjidhura dhe për mungesën e reagimit nga institucionet.
Ndër shqetësimet kryesore që pritet të ngrihen gjatë protestës janë kushtet në universitetet shqiptare, kostot e studimeve dhe mbështetja për studentët.
“Protestojmë për çdo gjë që nuk funksionon dhe për çdo gjë që duam të jetë ndryshe”, thuhet në mesazhin e publikuar nga organizatorët./Dosja.al
