Pedagogu Lush Susaj i është bashkuar protestës së studentëve sot në mesditë para ministrisë së Arsimit.

Pedagogu nënvizon se qeveria Rama ka shkatërruar sistemin arsimor, një nga krimet më të mëdha që mund të jenë bërë dhe bën habi si ka mundësi që populli nuk ngrihet.

Ai fton prindërit të mbështesin fëmijët e tyre në këtë protestë për të drejtat që u takojnë studentëve me qëllim që të ndërtojnë jetën këtu dhe jo jashtë.

“Jam pedagog dhe jam me studentët. Nuk ka gjë më të tmerrshme se ajo që i ka ndodhur me studentëve të Shqipërisë. Nuk ka krim më të madh në asnjë vend të botës se ajo që i kanë bërë sistemit arsimor të Shqipërisë.
Jam çuditur si ka mundësi që e  masakruan kaq shumë dhe populli e duroi kaq shumë.
Unë i kam fëmijët jashtë

Unë e di mirë se cfarë vjedhje dhe kushtet u bëjnë. Vite më përpara kam pasur 94 studentë, dje kam bërë mësim me 3 studentë. Nuk jam unë turpi që reagoj, por turpi janë ata që janë suflaqe dhe nuk pranojnë realitetin dhe nuk luftojnë për fëmijët e vet. Cdo shqiptar duhet të dalë të mbështesë fëmijët e vet.