Përplasjet mes policisë dhe protestuesve janë shoqëruar me episode dhune gjatë protestës te Rruga e Durrësit në Tiranë. Efektivët kanë ushtruar forcë ndaj studentëve, por pavarësisht ndërhyrjes së policisë, të rinjtë nuk janë tërhequr.

Studentët vijojnë protestën, duke qëndruar në rrugë përballë forcave të policisë. Situata mbetet e tensionuar, ndërsa protestuesit këmbëngulin të mos tërhiqen, pavarësisht përplasjeve me efektivët.