Një ngjarje e rëndë ka tronditur qytetin e Uaterfordit në Republikën e Irlandës, ku katër persona, mes tyre dy fëmij&e...
POLITIKE
‘Ky brez nuk mashtrohet më’, Saraçi: Rama kërkon të shuajë revoltën, por të rinjtë kërkojnë largimin e qeverisë
PiranjatPërditësimi i fundit 13 Tetor 2026, 18:31
Kryeredaktori i Syri TV, Romir Saraçi, i ftuar në emisionin “Task Force”, ka akuzuar Policinë e Shtetit për dhunë joproporcionale ndaj studentëve protestues, duke e cilësuar ndërhyrjen si një përpjekje për të shuar revoltën e të rinjve. Saraçi tha se protesta nisi paqësisht, ndërsa policia ndërhyri me gaz lotsjellës dhe forcë, pa paralajmërim ndaj protestuesve.
Ai theksoi se studentët nuk kërkojnë më vetëm zgjidhje për çështjet e arsimit, por kanë artikuluar kërkesa politike për largimin e qeverisë dhe krijimin e një qeverie të re.
Pjesë nga intervista:
Jo, nuk ishte një skenar i pritshëm, mund të priteshin thirrjet, apo normalisht kur kemi një protestë rinore dhe reagimi i të rinjve nuk do të jetë ai i angazhimeve apo organizimeve të partive politike, por gjithçka është spontane. Dhe protesta nisi paqësore, me thirrje, dhe pati një precipitimit në momentin që u qëllua me gurë ministria. Por, edhe në atë moment studentët, po ta shikosh, nuk kishin ndonjë akt dhune për të pasuar këtë situatë. Studentët, në shenjë revolte, goditën me gurë xhamat e Ministrisë së Arsimit, hoqën kangjellat, u hapën dyert, dhe nuk u futën brenda në institucion.
Dhe nuk ishte asnjë kordon policie, por kanë qëndruar jashtë ministrisë. Dhe ajo çfarë bëri përshtypje ishte reagimi i policisë së shtetit. Në një mënyrë joproporcionale, është ushtruar një dhunë e paprecedentë karshi protestuesve. Nuk pati asnjë lloj paralajmërimi, siç ndodh në herët e tjera që thonë 'shiko, largohuni, mbani distancë', por u krijua kordoni, u bë rrethimi, dhe nisi menjëherë dhuna barbare karshi studentëve protestues. Ishte një organizim i mirëfilltë nga ana e policisë, sepse u pa që ishin marrë të gjitha masat dhe si duket kanë pasur informacion për këtë reagim të studentëve, apo qëllim për ta shpërndarë këtë protestë studentore.
Po studentët, të gjithë të rinjtë sot edhe kur ecin në rrugë ecin me shall, e mbajnë nga një kapuç, me motorr, kështu që nuk mund t'i akuzojmë ata të rinjtë se po mbanin shall apo të maskuar. Duhet të merremi me pjesën e policisë së panumërt apo për dhunën shproporcionale, jo se studentët...
Jo, nuk kishte lidhje me provokim apo përplasje të forcave të policisë me protestuesit, po kishte një skenar të mirëorganizuar për të ndërhyrë dhe për të shpërndarë protestën. Ndërhyrja e parë, po ta shikojmë me vëmendje, është hedhur fillimisht gaz lotsjellës, është afruar boti dhe në atë moment nuk ka pasur akte dhune nga protestuesit. Policia ishte me skenarin e goditjes dhe shpërndarjes, bënë rreshtin e tyre trupor dhe i kanë përndjekur protestuesit. Janë pamjet e momentit të ndërhyrjes dhe i kanë përndjekur deri në sheshin Skënderbej. Vetëm në momentin kur studentët bënë thirrje që t'i drejtohen Kryeministrisë, aty pati një tërheqje nga policia, sepse objektivin e parë të sulmit e kishin te Ministria e Arsimit. Ndryshe nga protestat e herës së kaluar, këtë herë nuk kishin kërkesa në lidhje me arsimin, por ishin kërkesa të menjëhershme që bënin përgjegjëse qeverinë, nuk kërkonin më negociata, por largimin e kësaj qeverie dhe krijimin e një qeverie tjetër.
Është një revolucion, siç e thonë vetë studentët, ose mosbindje civile. Nga ana tjetër, duke parë angazhimin e eksponentëve të lartë qeveritarë apo partiakë, përveç dhunës policore, pati një përpjekje për zhbërjen e protestës. Ka qenë Albana Vokshi me një reagim deri ofendues për studentët, dhe nga ana tjetër Taulant Balla, manipulues dhe mashtrues, duke publikuar video dhe duke akuzuar Partinë Demokratike se fshihet pas kësaj proteste. Madje arriti deri në kulmin, në atë imazhin ikonë që po qarkullon, ku një student i vetëm përballet me gjashtë efektivë policie, Taulant Balla arriti deri aty sa të shpikte që ai djaloshi kishte qëlluar me gurë policinë, prandaj ishte ai reagim. Ndërkohë pamja është e plotë dhe e qartë, që ishte dhuna policore ajo që i shtyu, dhe ai iu kundërpërgjigj me guxim policisë.
Presionit, terrorit dhe pikërisht për të shpërndarë atë imazh, për t'i thënë studentëve që 'kështu do ta pësoni nëse reagoni'. Por, me sa duket, kanë të bëjnë me një brez tjetër, nuk është më ai brezi i të shtypurve nga një sistem i kaluar. Është një brez i ndërgjegjshëm që di çfarë kërkon dhe nuk mund t'i mashtrosh dot më.
