Një ngjarje e rëndë ka tronditur qytetin e Uaterfordit në Republikën e Irlandës, ku katër persona, mes tyre dy fëmij&e...
SHOWBIZ
Gerta Heta “puç” Desara Karaiskajt për t’i marrë vendin e punës? Artistja-Gjebreas: Di shumë informacion
PiranjatPërditësimi i fundit 13 Tetor 2026, 18:49
Gerta Heta nuk është një person që i rikthehet dashurive të vjetra, përveç muzikës, por Kënga Magjike e “detyroi të kthejë pak sytë nga e shkuara”.
Në një intervistë “prank” me Ardit Gjebrean për Këngën Magjike 2026, këngëtarja u vu me “shpatulla pas murit” lidhur me zëvendësimin që ajo i bëri gazetares Desara Karaiskaj. Gjebrea e pyeti nëse ajo kishte bërë një lloj “puçi” për t’i zënë vendin Sara Karajiskajt. Heta e mohoi këtë pretendim, duke shpjeguar se, sipas dijenisë së saj, Sara ishte larguar pasi kishte shkuar në Itali, ndërsa më pas roli ishte mbajtur për një periudhë nga Desara, përpara se t’i jepej asaj.
Madje, Gerta theksoi se e ka për zemër Desarën, duke mos lënë vend për interpretime të tjera.
Gjebrea: Je natyrë që i rikthehesh gjithmonë dashurive të vjetra?
Heta: Jo. Dashuritë e vjetra, jo. Në spektrin njerëzor, dashuritë e vjetra ngelin të vjetra, por kënga është tjetër lloj dashurie.
Gjebrea: Kur gjërat nuk shkojnë ashtu siç duhet, cila është terapia jote, radio apo muzika?
Heta: Shumë e vështirë është, por muzika. Dëgjoj muzikë.
Gjebrea: Në cilin moment thua për fëmijët e tu që kanë ngjarë nga fisi Heta dhe në cilin moment thua: “E di që keni marrë nga babai juaj”?
Heta: Tani, për sportin kanë marrë nga babai i vet, për muzikën ne e kemi, se unë kam pasur gjyshin trompist, kam pasur xhaxhain që i binte klarinetës, vëllain që kompozon këngë. Kështu që jemi më me muzikën e Hetave. INTERVISTA “PRANK”
Gjebrea: Nëse më lejon, do të kalojmë në një tjetër nivel të intervistës sonë. Të njohim Gertën jo vetëm artiste, por këto pyetjet e radhës do të jenë për Gertën e vërtetë, përtej ekranit dhe radios. Zëri yt prej vitesh është imazhi i një kompanie prestigjioze telefonike. Është e vërtetë që i bëre puç ndaj Sara Karaiskajt për t’i zënë vendin pas pesë vitesh?
Heta: Në asnjë mënyrë, jo. Sara iku, se iku në Itali, u fejua më duket dhe e la. Kështu të paktën e di unë. Por, një vit e ka bërë Desara dhe pastaj më morën mua. Është e vërtetë. Di shumë informacion.
Gjebrea: Jo vetëm kaq, bëhu gati.
Heta: Unë Desarën e kam xhan.
Gjebrea: M’i kanë dhënë. Si ishte ajo puna e 10 mijë eurove që të ofroi Top Albania Radio për t’u rikthyer sërish? Do ta tradhtosh Klan Radion?
Heta: Kjo është për ta përgënjeshtruar… Nuk është e vërtetë. Të ka ardhur informacioni gabim. 10 mijë euro?
Gjebrea: 10 mijë euro tani. Tak-tak, e pastaj një rrogë super. Lë Klanin dhe hajde.
Heta: Nuk është e vërtetë.
Gjebrea: Nuk është e vërtetë as kjo, okej. Për cilin motiv mamaja jote nuk ishte dakord për martesën me bashkëshortin tënd?
Heta: Me thënë të drejtën, ishte dakord. E di pse? Sepse unë isha 34 vjeç e duhej të kapja trenin e fundit. Kujtojmë se Gerta Heta vjen në Kënga Magjike 2026 me këngën “Prapë Ty”.
