Gaz lotsjellës dhe përplasje gjatë protestës, Ministria e Shëndetësisë publikon bilancin e të dëmtuarve: Policë, gazetarë dhe kalimtarë nën kujdesin e mjekëve

Ministria e Shëndetësisë dhe Mirëqenies Sociale ka bërë të ditur se strukturat shëndetësore kanë qenë në gatishmëri të plotë gjatë protestës së sotme, për t’u ardhur në ndihmë personave të dëmtuar.

Sipas njoftimit zyrtar, disa protestues, përfaqësues të medias, efektivë policie dhe kalimtarë kanë marrë ndihmë mjekësore në QSUT dhe Spitalin e Traumës, ndërsa një pjesë e tyre vijojnë të jenë nën kujdesin e mjekëve.

Njoftimi i Ministrisë së Shëndetësisë:

Strukturat shëndetësore në gatishmëri për t’u ofruar ndihmë mjekësore personave të dëmtuar gjatë protestës

Ministria e Shëndetësisë dhe Mirëqenies Sociale bën me dije se strukturat shëndetësore kanë qenë në gatishmëri të plotë për t’iu përgjigjur çdo nevoje për ndihmë mjekësore gjatë protestës dhe pas përshkallëzimit të saj.

Në Qendrën Spitalore Universitare “Nënë Tereza” (QSUT) janë paraqitur tre protestues me shqetësime shëndetësore pas ekspozimit ndaj gazit. Pas konsultës me mjekët, dy prej tyre janë larguar nga spitali, ndërsa personi i tretë vijon ekzaminimet nga stafi i urgjencës.

Në Spitalin Universitar të Traumës kanë marrë shërbim mjekësor edhe dy përfaqësuese të medias, të cilat, pas ekzaminimeve dhe konsultave përkatëse, janë larguar me këshillën e mjekut, në gjendje shëndetësore jashtë rrezikut për jetën.

Gjithashtu, gjashtë efektivë të Policisë, të raportuar me dëmtime nga mjete të forta, kryesisht në gjymtyrët e sipërme dhe të poshtme, kanë marrë kujdesin e nevojshëm mjekësor dhe janë larguar nga spitali jashtë rrezikut për jetën, me këshillën e mjekut.

Për ndihmë mjekësore janë paraqitur edhe dy kalimtarë. Njëri prej tyre është shtruar në spital, ku do të vijojë të qëndrojë nën kujdesin e stafit mjekësor, ndërsa tjetri po mbahet në monitorim nga mjekët.

Ministria e Shëndetësisë dhe Mirëqenies Sociale dhe strukturat shëndetësore mbeten në gatishmëri për të garantuar ofrimin në kohë të kujdesit mjekësor për çdo person që paraqet nevojë.

Protestuesit futen brenda biznesit pranë qendrës, thyejnë xhamat, i marrin orenditë dhe i djegin

19:20 Kronika

Po riparonte çatitë, rrëzohet 52-vjeçari në Ballsh, transportohet në spitalin e Fierit

19:10 Kronika

Protestuesit ndezin zjarr në mes të rrugës, vijojnë tensionet në Rrugën e Durrës, policia në gatishmëri

18:45 Kronika 3 komente

6 policë të plagosur gjatë protestës - Reagon Ministri Demo: Dhuna nuk justifikohet, ruani qetësinë

17:51 Kronika 2 komente

Protesta te Ministria e Arsimit, reagon Policia e Shtetit: 23 persona të shoqëruar

17:40 Kronika 2 komente

Detaje/ SPAK goditi grupin kriminal të trafikimit të emigrantëve, ekzekutohen 7 masa sigurimi! (Mes të arrestuarve dhe dy punonjës policie)

17:00 Kronika

Protestuesit rikthehen te Rruga e Durësit, Policia i përgjigjet me gaz dhe ujë! Hidhen sende të forta drejt efektivëve

16:58 Kronika 3 komente

Pse gjobiten shoferët? Parkimi i gabuar, 1 në 3 masa administrative për qëndrime të ndaluara

16:00 Kronika

Shteti merr përsipër pallatet e konfiskuara, ja si do të përfitojnë qytetarët që kanë paguar

15:50 Kronika 2 komente

Policia nis shoqërimet pas përplasjeve fizike, shoqërohen disa protestues

15:25 Kronika 4 komente