Një episod i paprecedentë është regjistruar gjatë protestës së mbajtur pasditen e kësaj të marte në Rrugën e Durrësit, ku studentët u përplasën me forcat e policisë.
Sipas pamjeve të publikuara në rrjetet sociale, gazi lotsjellës i përdorur nga policia nuk ka kursyer as fëmijët e mitur.
Siç shihet në pamje, vogëlushi ka shpërthyer në lot, pasi është prekur nga gazi i përdorur për shpërndarjen e protestuesve.
Protesta e kësaj të marte nisi rreth orës 14:00, para Ministrisë së Arsimit, por u përshkallëzua me ndërhyrjen e policisë, e cila përdori autobotë me ujë dhe gaz lotsjellës.
