Protesta e thirrur nga studentët para Ministrisë së Arsimit ka nisur. Siç shihet edhe në pamje, të rinjtë mbajnë n&e...
SHOWBIZ
“1 milion rrugë”, projekti që bashkon Jul Dedën, Arbana Osmanin dhe Eduart Grishajn
PiranjatPërditësimi i fundit 13 Tetor 2026, 19:33
Julian Deda po hap një kapitull të ri profesional pas përfundimit të angazhimit në Top Channel. Aktori i humorit do të bëjë përkohësisht një hap pas nga ekrani televiziv për t’iu përkushtuar kinematografisë.
Projekti i tij i radhës pritet të jetë filmi me titull “1 milion rrugë”, nën regjinë e Eduart Grishajt. Një nga risitë më të rëndësishme të këtij realizimi është përfshirja e Arbana Osmanit, e cila do të provojë për herë të parë rolin e producentes në një projekt kinematografik.
Lajmin e konfirmoi vetë Jul Deda gjatë një interviste për RTSH, ku tregoi se do të jetë pjesë e filmit, pa zbuluar ende më shumë detaje për personazhin që do të interpretojë apo historinë që do të sjellë produksioni. Për aktorin, ky angazhim vjen pas një sezoni në drejtimin e “Fiks Fare” dhe largimit të mëvonshëm nga Top Channel. Ndërsa ende nuk është bërë publik një projekt i ri televiziv, Deda duket se ka zgjedhur ta përqendrojë energjinë te filmi.
“1 milion rrugë” bashkon kështu tre emra të njohur të medias dhe artit shqiptar: Jul Dedën përpara kamerës, Eduart Grishajn në regji dhe Arbana Osmanin në rolin e producentes.
Ende nuk është bërë e ditur se kur do të nisin xhirimet apo kur filmi do të jetë gati për publikun, por projekti shënon një fazë të re jo vetëm për Jul Dedën, por edhe për Arbanën, e cila kalon për herë të parë nga moderimi dhe televizioni te prodhimi kinematografik.
