ZYRTARE/ Zbulohen gjyqtarët e Egnatia – Midtjylland në Conference League

Egnatia përgatitet për një sfidë të rëndësishme në Conference League, teksa këtë të enjte do të përballet me danezët e Midtjylland në stadiumin “Air Albania”, në orën 18:30.

Ndërkohë, janë zbuluar edhe emrat e arbitrave që do të vendosin drejtësi në këtë përballje.

UEFA ka caktuar një trupë austriake, me Stefan Ebner që do të jetë arbitri kryesor i takimit.

Ai do të asistohet nga Martin Hofler dhe Maksimilian Kolbitsch, ndërsa Julian Weinberger do të jetë arbitri i katërt.

Në sistemin VAR do të jenë Harald Lechner dhe Alain Sadikovski.

Skuadra rrogozhinase synon të bëjë një paraqitje pozitive në këtë përballje evropiane, ku çdo detaj mund të jetë vendimtar për fatin e ndeshjes.

Egnatia – Midtjylland, këtë të enjte, ora 18:30, në kryeqytet.