Studentët shkojnë te Fakulteti i Shkencave të Natyrës, thirrje të rinjve të bojkotojnë mësimin: Bashkohuni me ne

Studentët e bashkuar nga Mjekësia, Ekonomiku dhe Politekniku kanë shkuar pranë Fakultetit të Shkencave të Natyrës, ku u kanë bërë thirrje studentëve të këtij fakulteti t’i bashkohen protestës dhe të bojkotojnë mësimin. ”Bashkohuni me ne”, mësohet të jetë apeli i studentëve të Mjekësisë drejtuar të rinjve, në kuadër të përpjekjeve për të zgjeruar mbështetjen për kauzën e tyre. Studentët synojnë të mobilizojnë edhe të rinjtë e fakulteteve të tjera, duke kërkuar solidarizimin e tyre dhe pjesëmarrjen në bojkotin e mësimit.