Qindra studentë protestues janë mbledhur tani në Bulevardin ‘Zogu i Parë’.
Ata janë ndalur tek ministria e Drejtësisë dhe pasi i kanë thyer xhamat e fasadës, kanë vendosur ti vënë flakën.
Ndërkaq në sfond dëgjohen thirrjet ‘digje, digje’.
Protestuesit u zhvendosën në orët e pasdites përgjatë bulevardit “Dëshmorët e Kombit”, ku ndezën zjarre pranë Kryeministrisë, në zonën e Piramidës dhe pranë Kullave Binjake.
Për shkak të tensioneve, policia përdori gaz lotsjellës në përpjekje për të shpërndarë turmën, e cila më pas u zhvendos fillimisht në drejtim të Parlamentit për t’u shpërndarë në grupe të vogla nëpër lagje të ndryshme të kryeqytetit.
