Deputeti i Partisë Demokratike, Edi Paloka, ka reaguar pasi nuk u pranua në protestën e zhvilluar këtë të martë në Tiranë, ku protestuesit e goditën me shishe uji.
Në një reagim në rrjete sociale Paloka ngre pretendime se u përzu nga persona që sipas tij i shërbejnë Edi Ramës dhe që po përpiqen të përçajnë protestuesit e të shuajnë revoltën.
“Ata që morën përsipër provokimin sot janë të vegjël përpara qëllimit madhor, që është rrëzimi i regjimit. Sidoqoftë, me veprimet e tyre nuk do të shpëtojnë dot as Ramën dhe as veten!”,- shkruan Paloka ndër të tjera.
