Në disa gjimnaze të Tiranës, përfshi atë “Ismail Qemali” nxënësit kanë bojkotuar sot mësimin dhe kanë kërkuar të bashkohen me protestën e studentëve e cila prej dy ditësh po mbahet në kryeqytet.
Para kësaj shkolle është parë një zjarr i përmasave të vogla që në mëngjes, teksa dëgjohen thirrjet “Rama në burg, Berisha në burg”.
Ndërkohë, edhe gjimnazistët nga Kamza kanë lënë mësimin dhe janë nisur drejt Tiranës për t’iu bashkuar protestës.
