Protestuesit kanë sulmuar një bankë të nivelit të dytë, në qendër të Tiranës, pranë “Ushtarit të Panjohur”.
Protestuesit thyen xhamat dhe bankomatët dhe u futen në brendësi të godinës.
Më pas protestuesit shihen teksa nxjerrin nga banka letra ndërsa i djegin jashtë ambienteve.
Situata kaotike është krijuar më parë edhe pranë selisë së Partisë Socialiste dhe Bashkisë në Tiranë, ku protestuesit kanë tentuar të sulmojnë godinën e selisë rozë, ndërsa policia është kundërpërgjigjur me gaz lotsjellës.
Efektivët kanë ndërhyrë për të shpërndarë turmën te Teatri i Kukullave, duke arritur ta largojnë atë përkohësisht nga zona.
Megjithatë, protestuesit janë rigrupuar vazhdimisht, duke u shpërndarë në disa prej rrugëve kryesore pranë qendrës së kryeqytetit.
Përplasjet vijnë në kuadër të protestës së studentëve dhe gjimnazistëve në Tiranë, e cila është përshkallëzuar gjatë orëve të fundit.
