Ish-deputeti, Lefter Maliqi i ka bërë thirrje punonjësve të Policisë së Shtetit të ruajnë qetësinë dhe të mos ushtrojnë dhunë ndaj të rinjve gjatë protestave.
Në një reagim në rrjete sociale, Maliqi u ka bërë thirrje efektivëve të distancohen nga dhuna dhe të zbatojnë vetëm ligjin, ndërsa ka deklaruar se efektivët e policisë nuk duhet të bëhen pjesë e bandave të pushtetit.
“Policë të shtetit, si ish-drejtues i Policisë në veri dhe në jug, si ish-pedagog në Akademinë e Policisë, si ish-drejtues i Burgjeve, si ish-deputet dhe anëtar i Komisionit të Sigurisë, ruani qetësinë, mos dhunoni të rinjtë, distancohuni nga dhuna dhe nga agjentët civilë ,police të huaj apo banditët e futur mes turmës, të infiltruar nga banditë e trafikantë, që godasin dhe marrin zvarrë qytetarë e të rinj! Policë, po ju lodhin, po ju turpërojnë, po ju keqpërdorin për interesat e karrigeve të tyre të korruptuara nga krimi”, – shprehet Maliqi ndër të tjera.
