Prezenca e OSBE-së në Shqipëri ka reaguar pas protestës së dhunshme në Tiranë, duke mbështetur thirrjen e Presidentit Bajram Begaj për qetësi dhe dialog gjithëpërfshirës mes palëve.
Përmes një reagimi publik, OSBE thekson nevojën për uljen e tensioneve dhe gjetjen e rrugëve të komunikimit për kapërcimin e situatës së krijuar.
“Prezenca e OSBE-së në Shqipëri mirëpret mesazhin e sotëm të Presidentit Begaj. Ne i bashkohemi thirrjes për qetësi dhe dialog gjithëpërfshirës dhe jemi të gatshëm të ndihmojmë në lehtësimin e një dialogu të tillë, nëse na kërkohet”, thuhet në reagimin e organizatës.
OSBE shpreh kështu gatishmërinë për të kontribuar në lehtësimin e dialogut mes palëve, nëse institucionet apo aktorët përkatës e kërkojnë një ndërmjetësim të tillë.