Dhuna gjatë protestës në Tiranë është përshkallëzuar më tej, teksa në shënjestër kanë përfunduar edhe automjetet e mediave që po raportojnë nga terreni.
Makinat e gazetarëve janë sulmuar me gurë gjatë zhvillimeve të fundit, duke shtuar shqetësimet për sigurinë e punonjësve të medias që ndodhen në krye të detyrës për të pasqyruar ngjarjet në kohë reale.
Protesta në kryeqytet është shoqëruar me tensione dhe përplasje, ndërsa gjatë orëve të fundit janë raportuar edhe zjarre dhe dëmtime të pronës.
Sulmet ndaj automjeteve të mediave përbëjnë një tjetër episod shqetësues në përshkallëzimin e situatës, duke vënë në rrezik gazetarët dhe operatorët në terren, si dhe duke vështirësuar raportimin e zhvillimeve nga protesta.