Supermodelja ruse Irina Shayk ka tërhequr vëmendjen në rrjetet sociale me një seri fotografish të guximshme nga Java e Modës në Milano, ku shfaqet me poza provokuese dhe kombinime që nxjerrin në pah stilin e saj të veçantë.
Modelja 40-vjeçare publikoi disa imazhe në Instagram të mërkurën, më 14 tetor, duke ndarë momente nga prapaskenat e angazhimeve të saj në botën e modës.
Në njërën prej fotografive, Shayk shfaqet topless, ndërsa ndihmohet të veshë një palë pantallona lëkure të ngushta, të cilat mbyllen me zinxhir në pjesën e përparme. Në një tjetër imazh, ajo pozon në karrigen e grimit, e veshur me një reçipetë të hapur, ndërsa mban në dorë një filxhan kafeje.
Mes fotografive të publikuara, modelja ndau edhe një imazh nga shtrati, ku shfaqet me një këmishë nate prej mëndafshi, grim të theksuar në sytë dhe një pozë provokuese për kamerën.
Shayk publikoi gjithashtu një fotografi me çmimin “Filming Italy Women Power Award”, të cilin e mori muajin e kaluar gjatë Festivalit të Filmit në Venecia. Çmimi i është akorduar për arritjet dhe ndikimin e saj në industrinë e modës.
Në një tjetër fotografi, ajo tregoi edhe rutinën e saj të aktivitetit fizik, duke pozuar me veshje sportive nga palestra.
Fotografitë morën vëmendje të madhe nga ndjekësit, të cilët e komplimentuan modelen për pamjen dhe stilin e saj. Komente si “Diva”, “Je një perëndeshë” dhe “Jam e fiksuar pas teje” u shfaqën mes reagimeve të shumta në rrjetet sociale.
Irina Shayk, e njohur për bashkëpunimet me markat më prestigjioze të modës dhe paraqitjet në pasarela ndërkombëtare, vazhdon të jetë një nga emrat më të komentuar në industrinë e modelingut.
Ndërkohë, emri i saj është përmendur së fundmi edhe në thashetheme për një lidhje të mundshme me basketbollistin e NBA-së, Devin Booker, pasi dyshja u pa së bashku në Hamptons gjatë verës. Megjithatë, deri më tani, nuk ka pasur konfirmim publik për një marrëdhënie mes tyre.
