Një shpërthim me lëndë plasëse ka ndodhur mbrëmjen e së enjtes në Shkodër, ku objektiv ka qenë automjeti në pronësi të një punonjësi të Policisë së Kriminalistikës.
Ngjarja është regjistruar në unazën perëndimore të qytetit. Sipas raportimit të gazetarit të Top Channel, Klodian Zhivani, automjeti i përket policit Ardjan Bacina.
Nga informacionet paraprake, nuk raportohet për persona të lënduar. Megjithatë, shpërthimi ka shkaktuar dëme materiale, përfshirë dëmtimin e derës së një banese.
Rrethanat e ngjarjes dhe autorësia e saj mbeten për t’u sqaruar nga hetimet e autoriteteve.