Horror nga narkopolicia?/ Me dhjetëra të rinj të lidhur dhe të shtrirë në tokë në ambiente të paidentifikuara

Pamje dramatike vijnë pas përplasjeve gjatë protestës studentore në Tiranë, ku dhjetëra të rinj shfaqen të lidhur dhe të shtrirë në tokë.

Sipas raportimeve për SYRI-n, pamjet e rënda nga trajtimi çnjerëzor dyshohet se janë nga komisariatet në Tiranë, por ende nuk ka konfirmime zyrtare, ajo që është e deri tani e vërtetë është se pamjet janë në Tiranë, dhe ngrenë shqetësime të forta për shëndetin e të shoqëruarve nga policia e shtetit. Në disa raportime nga gazetarët e terrenit dhe qytetare të shumtë thuhet se njerëz të paidentifikuar po rrëmbejnë të rinj në rrugët e Tiranës dhe po i dërgojnë në ambiente të paidentifikuara.

Ngjarjet vijnë në ditën e tretë të revoltës studentore, ku të rinjtë kanë dalë në rrugë me kërkesën për dorëheqjen e kryeministrit Edi Rama.

Rrethanat e plota të shoqërimeve, arsyet e mbajtjes së të rinjve në këto ambiente dhe kushtet në të cilat po trajtohen kërkojnë sqarim nga autoritetet përkatëse.