Protesta e organizuar në Lezhë nga disa gjimnazistë të cilët bojkotuan mësimin që nisi mëngjesin e sotëm është shoqëruar edhe me tensione.
Pas tentativës së dështuar të protestuesve për tu futur në bashki, ata kanë thyer xhamat e një gjimnazi, si dhe kanë shkulur disa kangjella dhe tabela të sinjalistikës rrugore.
Ndërkohë kanë nisur edhe përplasjet mes policisë dhe protestuesve, teksa këta të fundit kanë goditur me gurë efektivët.
Pas tensionimit të situatës, zëvendës drejtori i rendit i ka dhënë urdhër efektivëve të tërhiqen.