Dita e katërt e protestave, studentët dhe gjimnazistët marshojnë drejt Ministrisë së Arsimit

Protestat e studentëve dhe gjimnazistëve kanë nisur edhe këtë të premte në Tiranë, në ditën e katërt të tubimeve kundër qeverisë. Të rinj nga kryeqyteti dhe qytete të tjera të vendit janë bashkuar në protestë, ku marrin pjesë studentë të degëve të ndryshme, me një prani të theksuar të studentëve të Mjekësisë.

Protestuesit kanë nisur marshimin drejt Ministrisë së Arsimit, ndërsa kërkesat e tyre lidhen me zhvillimet politike në vend dhe kundërshtimin ndaj qeverisë.

Gjatë protestës, një prej studentëve u shpreh se të rinjtë nuk kanë ndërmend të tërhiqen nga kërkesat e tyre, duke kërkuar largimin e kryeministrit Edi Rama.

Protesta e sotme vjen pas tre ditësh tubimesh të shoqëruara me tensione dhe përplasje, ndërsa pjesëmarrja e të rinjve nga qytete të ndryshme të Shqipërisë e shtrin mobilizimin përtej kryeqytetit. Studentët dhe gjimnazistët vijojnë të protestojnë, ndërsa marshimi drejt Ministrisë së Arsimit është një nga zhvillimet e para të tubimit të kësaj të premteje.