Liderët e Bashkimit Evropian do shprehin mbështetjen e tyre për Presidentin Volodymyr Zelenski në një samit të premten, ndërsa Presidenti amerikan Donald Trump lëshoi një tjetër kritikë të ashpër ndaj Ukrainës, duke i quajtur sulmet e saj ndaj rafinerive ruse një "turp". BE-ja e pret Zelenskin në Bruksel në një nga momentet më të vështira për Ukrainën, ndërsa qytetet ukrainase përballen me breshëri raketash e dronësh, dhe shtohen frikërat se SHBA-ja mund të tërheqë mbështetjen me informacione të inteligjencës dhe armatime për Kievin. Trump e vuri Zelenskin në një pozitë të papritur fundjavën e kaluar, duke njoftuar se Ukraina dhe Rusia kishin rënë dakord të mos i godisnin objektet energjetike të njëra-tjetrës. Duke pasur parasysh zgjedhjet e mesit të mandatit në SHBA në nëntor, Trump i ka fajësuar sulmet ukrainase ndaj rafinerive ruse për rritjen e çmimeve të energjisë, një zhvillim që mund t'i kushtojë atij vota në zgjedhje.