Grupi i tifozëve të Kombëtares shqiptare, “Tifozat Kuqezi”, ka shprehur mbështetjen për protestën që po zhvillohet në vend, duke u pozicionuar në krah të lëvizjes që ka përfshirë studentët dhe gjimnazistët.
Protesta ka hyrë në ditën e katërt, ndërsa pjesëmarrja e të rinjve vijon të jetë e konsiderueshme. Kërkesa kryesore e protestuesve mbetet largimi i kryeministrit Edi Rama, në një klimë pakënaqësie ndaj qeverisë.
Gjatë ditëve të fundit, tubimet në Tiranë janë shoqëruar edhe me përplasje mes protestuesve dhe forcave të policisë, duke e bërë situatën gjithnjë e më të tensionuar.
Mbështetja e “Tifozave Kuqezi” shënon një tjetër zhvillim në protestat që nisën nga kundërshtimi i të rinjve dhe që tashmë janë shoqëruar me kërkesa të drejtpërdrejta politike ndaj qeverisë së drejtuar nga Edi Rama.
