Prej 4 ditësh, studentët dhe qytetarët po përballen me dhunë të ashpër policore gjatë protestave.
Në shumë raste, pamjet e publikuara në media tregojnë se protestuesit dhunohen nga efektivët e policisë edhe pasi janë neutralizuar dhe nuk paraqesin më rezistencë.
Përballë këtyre episodeve, avokati Dorian Matlija me një reagim në rrjete sociale u bën thirrje avokatëve, juristëve, organizatave të shoqërisë civile dhe të gjithë personave që kanë njohuri juridike, të ndërmarrin hapa konkretë për të kërkuar përgjegjësi ligjore për rastet e dyshuara të dhunës policore.
Matlija thekson se asnjë mbështetje e mundshme nga drejtuesit e institucioneve nuk duhet t’i bëjë efektivët të ndihen të paprekshëm nga ligji.
Postimi:
Bej nje thirrje per te gjithe avokatet, juristet, organizatat e shoqerise civile, e kushdo tjeter qe ka njohuri per kete pune, qe nese hasin ne internet pamje video ku te rinjte dhunohen nga policia, edhe pasi jane neutralizuar, apo cdo shkelje tjeter qe ngarkohet me pergjegjesi penale, te hartojne dhe pse jo, edhe te nenshkruajne vete, kallezimet penale per keto episode.
Une kam nisur ta bej nje gje te tille. Ju lutem sa me shume kallezime. Sikur edhe nje apo dy kallezime te bejme secili, arrijme t’u japim mesazhin te gjithe efektiveve ne terren qe jo vetem jane duke u vezhguar e filmuar nga mediat, por edhe do perballen me ligjin nje dite.
Dhe ajo dite nuk do jete larg. Nese ata marrin garanci nga “lart”, ta dine qe edhe ne “poshte” nuk hame bar.
Jane femijet tane ata qe po rrihen nga kriminele qe meritojne burgun. Dhe burgu nuk vjen vete po nuk beme kallezime. Le t’i futemi punes.
