‘Protestuesit me strategji tjetër’, gazetari zbulon detajet: Të përgatitur për rezistencë

Në ditën e katërt të protestës në Tiranë, protestuesit janë zhvendosur pothuajse të gjithë në bulevardin “Dëshmorët e Kombit”, pranë Kryeministrisë.

Gazetari Eni Ferhati raportoi se, edhe pse në numër më të vogël, protestuesit që po qëndrojnë përballë togave të policisë janë të gjithë të pajisur me maska kundër gazit lotsjellës dhe po shfaqin rezistencë, pavarësisht se policia po vijon të hedhë shumë gaz lotsjellës dhe ujë në drejtim të tyre.

‘Protestuesit sot kanë ardhur me një strategji tjetër, pasi të gjithë personat që po kryejnë veprime të dhunshme ndaj policisë janë të pajisur me maska kundër gazit. Kështu, hedhja masive e gazit nga policia nuk po i largon ata nga vendi ku po qëndrojnë.

Mesa duket, ky grup është i vendosur të qëndrojë për të bërë rezistencë. Pak para se policia të ndërhynte, një grup kreu akte dhune te Kullat Binjake’, tha gazetari.