Tensionet janë rikthyer në bulevardin “Dëshmorët e Kombit” në Tiranë, ku vijon protesta e studentëve, gjimnazistëve dhe qytetarëve kundër qeverisë.
Gjatë përplasjeve, Policia e Shtetit ka përdorur gaz lotsjellës, ku për pasojë është plagosur një vajzë e cila ndodhej mes turmës së protestuesve.
Sipas raportimeve nga terreni, të rinjtë kanë bërë thirrje të lajmërohej ambulanca, ndërsa policia ka hedhur sërish gaz në drejtim të tyre, teksa ata i jepnin ndihmë të resë.
Mësohet gjithashtu se asaj i është dhënë ndihma e parë nga disa të pranishëm, të cilën e kanë marrë në krah dhe e kanë larguar drejt një vendi më të qetë në pritje të ambulancës.
