Deputeti demokrat Klevis Balliu ka reaguar pasi u përzu mbrëmjen e sotme nga protesta dhe u detyrua të fytej përmes Lanës për t’i shpëtuar sulmeve të protestuesve.
Balliu shprehet se është e vërtetë që ka pasur një përballje dhe janë sulmuar disa qytetarë.
Ai thotë se incidenti ishte i mirëorganizuar nga Qeveria dhe Policia, duke përdorur sipas tij aktivistë të partisë Lëvizja Bashkë të Arlind Qorit, të cilët sipas tij janë në shërbim të mazhorancës.
“Me zhurmën e fundit mediatike të mediave të qeverisë, më duhet të sqaroj sa vijon. Sot rreth orës 5 nga selia e PD-së kamë denoncuar dhunën e tmerrshme e kriminale nga Policia e Shtetit kundër studentëve. Kjo erdhi si rrjedhojë e një reagimi të detyrueshëm nga deklaratat e turpshme të Dhimitraq Ziut, i cili kërkonte të fshihte aktet kriminale të Policisë kriminale të Edi Ramës ndaj studentëve. Së dyti, është e vërtetë që patëm një incident të mirëorganizuar nga operacionalja e Policisë së Dhimitraq Ziut, Skënder Hitës, Ilir Prodës, Ergys Agasit dhe të gjithë banditëve të tjerë, të cilët përdorin aty partitë e Qorrave që sillen si opozitarë, por janë në shërbim total të mazhorancës dhe Edi Ramës.
S’ka diskutim që njësoj si gjithë të tjerët ata do të marrin përgjigjen e merituar, siç kanë marrë shpesh herë çdo bandit që ka dhunuar dhe ka guxuar të përplaset me qytetarët e lirë të këtij vendi. Nuk është e vërtetë që më kanë goditur. Është e vërtetë që kemi patur një përballje dhe që janë sulmuar qytetarë në atë moment. Por e padiskutueshme që nuk ka skemë të Operacionales, të Edi Ramës, apo të Qorrave që do të vihen para përgjegjësisë, që do mund të më ndalojnë mua, PD-në apo cilindo demokrat që të mbështesin me të gjitha fuqitë studentët që po përballen me narko-regjimin e Edi Ramës. Nuk ka diskutim që kjo është një betejë e fituar dhe që Rama është në ditët e tij të fundit. Vazhdojmë përpara me studentët deri në fund.”– shprehet Balliu.
