Policia e Tiranës ka arrestuar në flagrancë 10 persona dhe ka proceduar penalisht 22 të tjerë, në lidhje me protestën e zhvilluar një ditë më parë.
Sipas policisë, të arrestuarit janë kapur duke hedhur gurë dhe sende të forta në drejtim të efektivëve dhe godinës së Ministrisë së Arsimit, duke dëmtuar punonjës policie, godinën dhe sinjalistikën rrugore.
“U arrestuan në flagrancë shtetasit, K. B., 20 vjeç; L. L., 18 vjeçe; J. Ë., 37 vjeç; M. J., 28 vjeç; R. B., 30 vjeç; E. Xh., 23 vjeç; E. B., 19 vjeç; E. V., 21 vjeç; K. S., 20 vjeç dhe K. B., 18 vjeç;
-u proceduan penalisht 22 shtetas.
Këta shtetas janë kapur duke qëlluar me gurë dhe sende të tjera të forta në drejtim të punonjësve të Policisë dhe godinës së Ministrisë së Arsimit, duke dëmtuar fizikisht punonjësit e Policisë dhe duke shkaktuar dëme materiale në godinë dhe në sinjalistikën rrugore.
Gjatë tubimit të djeshëm janë dëmtuar 8 punonjës Policie”,- thuhet në njoftimin e Policisë.
Materialet procedurale iu referuan Prokurorisë, për veprime të mëtejshme
