Ndërkohë që Ukraina po e gjen veten gjithnjë e më larg SHBA-së, Bashkimi Evropian, ka shprehur mbështetjen e palëkundur për Kievin, por një shqetësim mbetet: A mundet Evropa ta mbështesë e vetme ukrainën, ushtarakisht, financiarisht dhe politikisht. E ky është edhe një shqetësim i dukshëm i presidentit Volodimir Zelenski. SHBA, me presidentin Donald Trump, rrezikon të tërheqë plotësisht mbështetjen për ukrainën ndërkohë që po afrohet gjithnjë e më shumë me Rusinë. Trump pezulloi sanksionet ndaj rusisë, ka lidhur marrëveshje me të për furnizimin me naftë dhe i ka kërkuar Ukrainës të ndalë sulmet mbi rafineritë ruse. Ndërkohë, të paktën pjesërisht, është ndërprerë mbështetja teknike për Ukrainën, përfshirë caktivizimin e satelitëve starlink. Kjo e fundit vecanërisht e lë Kievin në një pozitë shumë të brishtë: ai nuk ka paralajmërim për sulmet e ardhshme ruse dhe nuk mund të godasë rusinë në territorin e saj. Zelenski i ka evropianët në krah dhe thotë se ata janë aleatët e besueshëm të Ukrainës dhe liderët e vërtetë të botës së lirë. Por ai e di se cfarë vjen pas kësaj. Nëse SHBA tërhiqet plotësisht, evropa duhet të marrë në dorë gjithcka. Që ukraina të mos humbasë, ka nevojë për raketat patriot. Evropa ka në rezerva raketa të tilla, të mjaftueshme që ukraina të kalojë dimrin. Por a duan vendet evropiane të zbrazin rezervat e tyre. Ndërkohë, Ukrainës i duhen para. Sa është e gatshme të bëjë evropa në këtë drejtim. Asetet e ngrira ruse mbahen në Belgjikë, por qeveria belge kundërshton ti lirojë ato për tu përdorur në Ukrainë. Alternativa tjetër janë borxhet e përbashkëta të vendeve të BE dhe shumë prej tyre hezitojnë. Në këtë mënyrë, shqetësimet e Ukrainës mbeten pa përgjigje, ose me një përgjigje të përmbajtur, ndërkohë që ekziston ende një fije shprese se SHBA mund të largohet nga kursi pro-rus.