Një 30-vjeçar është ndaluar nga Policia e Tiranës, pasi dyshohet se është përfshirë në të shtënat me armë zjarri ndaj një servisi pranë mbikalimit të Kasharit, ngjarje e ndodhur më 10 shtator 2026.
Sipas Policisë, shtetasi me inicialet V. T. dyshohet se në bashkëpunim me persona të tjerë, të cilët ende nuk janë identifikuar, ka qëlluar me armë zjarri në drejtim të servisit.
Gjatë kontrollit të banesës së 30-vjeçarit, efektivët kanë gjetur një fenelinë të ngjashme me ato që përdoren nga shërbimet e Policisë. Nuk janë dhënë detaje të tjera mbi rrethanat apo motivet e të shtënave.
Ndërkohë, grupi hetimor vijon punën për identifikimin dhe kapjen e personave të tjerë që dyshohet se kanë marrë pjesë në ngjarje, si dhe për dokumentimin e plotë të saj.
