Situata në rrugën e Durrësit në Tiranë është përshkallëzuar, ku forcat e Policisë kanë rrethuar protestuesit mes zonave të banuara, duke përdorur ujë me presion dhe gaz lotsjellës për shpërndarjen e tyre.
Protestuesit janë gjendur të rrethuar nga efektivët në rrugicat mes pallateve, ndërsa ndërhyrja policore ka shkaktuar kaos në zonë.
Përdorimi i gazit lotsjellës dhe ujit me presion ka detyruar qytetarët të largohen në drejtime të ndryshme, duke e bërë situatën edhe më të tensionuar.
Ndërkohë, protestuesit vijojnë të kundërshtojnë qeverinë, ndërsa përplasjet me Policinë kanë shoqëruar protestat e ditëve të fundit në kryeqytet, ku kërkesa kryesore është dorëheqja e Ramës.
